梁記餃子麵坊 (已結業)

星期日放假，同家人差唔多下午2點外出，先到元朗廣場附近食飯，然後再去補充日用品。已經過咗午飯時間，所以無需排隊就有位。天氣好熱，同家人諗住食麵會開胃啲，所以決定幫襯梁記。過往都有幫襯過梁記，主要係外賣。家人叫咗豬扒米線加凍豆漿，豬扒肉並算多，反而粉就較多，不過豬扒係好味。我就叫咗韭菜豬肉餃上海麵，餃子都算大粒，味道亦OK，上海麵亦算彈牙。另外叫咗個炸鯪魚球，魚肉新鮮口感煙韌，唔錯。凍豆漿有微微豆香，感覺香滑。