影片
更多
2022-01-01
576 瀏覽
Marbling @ 銅鑼灣為咗慶祝聖誕節🎄, 特別黎咗銅鑼灣呢間Mr. Steak旗下嘅Marbling 食semi-buffet頭盤選擇都唔少，以沙律為例，有柚子海蝦沙律、羽衣甘藍帶子沙律、紅菜頭沙律等等，仲有一啲常見冷盤例如煙三文魚同火腿，亦有芝士同法包等等，滿足到唔同人嘅口味。頭盤黎講味道同款式都唔錯，剩係食頭盤都有少少飽😂主菜方面，大概有八款主菜可以揀，我地分別叫咗火雞拼黑毛豚腿、烤英國豬柳伴焦糖蘋果同埋精選燒烤拼盤。首先要讚下火雞拼黑毛豚腿，作為聖誕特色食品，我一見到有火雞就毫不猶豫揀咗呢份為主菜。火雞煮得幾好，肉質嫩滑，調味適中；黑毛豚腿同樣肉質嫩滑，但即使配埋醬汁仍然覺得味道略淡，如果可以鹹番少少就完美🙌🏻 烤豬柳份量十足，雖然厚身嘅豬柳咬落啖啖肉，可惜嘅係煮得乾咗啲，同埋味道偏淡，如果鹹番少少就更好。作為最貴嘅一燒烤拼盤($288)係有高少少嘅期望，上菜後果然係份量唔錯，包含咗燒大蝦、安格斯牛扒同埋燒春雞。大蝦肉質新鮮，牛扒煎得幾香口，雞肉燒得亦幾好唔會太乾；唯一不足同樣都係味道偏淡，食開淡口嘅朋友應該鍾意。甜品款式以semi-buffet黎講都唔錯，賣相亦好有聖誕
為咗慶祝聖誕節🎄, 特別黎咗銅鑼灣呢間Mr. Steak旗下嘅Marbling 食semi-buffet
頭盤選擇都唔少，以沙律為例，有柚子海蝦沙律、羽衣甘藍帶子沙律、紅菜頭沙律等等，仲有一啲常見冷盤例如煙三文魚同火腿，亦有芝士同法包等等，滿足到唔同人嘅口味。頭盤黎講味道同款式都唔錯，剩係食頭盤都有少少飽😂
主菜方面，大概有八款主菜可以揀，我地分別叫咗火雞拼黑毛豚腿、烤英國豬柳伴焦糖蘋果同埋精選燒烤拼盤。首先要讚下火雞拼黑毛豚腿，作為聖誕特色食品，我一見到有火雞就毫不猶豫揀咗呢份為主菜。火雞煮得幾好，肉質嫩滑，調味適中；黑毛豚腿同樣肉質嫩滑，但即使配埋醬汁仍然覺得味道略淡，如果可以鹹番少少就完美🙌🏻 烤豬柳份量十足，雖然厚身嘅豬柳咬落啖啖肉，可惜嘅係煮得乾咗啲，同埋味道偏淡，如果鹹番少少就更好。
作為最貴嘅一燒烤拼盤($288)係有高少少嘅期望，上菜後果然係份量唔錯，包含咗燒大蝦、安格斯牛扒同埋燒春雞。大蝦肉質新鮮，牛扒煎得幾香口，雞肉燒得亦幾好唔會太乾；唯一不足同樣都係味道偏淡，食開淡口嘅朋友應該鍾意。
甜品款式以semi-buffet黎講都唔錯，賣相亦好有聖誕特色，剩係個樣已經令我食欲大增🥰 款式包括樹枝蛋糕、麵包布甸、木糠布甸、牛奶布甸、紅桑子慕絲蛋糕，亦有少量生果包括菠蘿🍍同西瓜🍉。甜品區入面我最推薦紅桑子慕絲蛋糕，唔會太甜，賣相又靚😍牛奶布甸都值得推薦，口感好滑之如牛奶味亦好足！
環境而言，餐廳都幾大，有室內位置亦有室外位置，室外位置有暖爐，值得加分！唯一缺點係女洗手間只有一格，排隊排咗好耐，而且冷氣勁凍，同用餐區有明顯溫差，冇著外套嘅我只可以盡快離開......
整體黎講，Marbling 食物質素同種類以呢個價錢黎講係幾好。如果大家想搵大概200-300嘅semi lunch buffet 餐廳，Marbling 係一好選擇👍🏻
-
#foodiecouple_銅鑼灣
張貼
