板神鉄板燒日本料理 (信和廣場)

營業中

休息中

大約一年前有個youtuber 介紹左間性價比高的鐵板燒，一直都放左係個為食List到，遲遲未食，前排終於為呢間鐵板燒正式除名。入到去，鐵板燒個景都算唔錯，唔係樓望樓，雖然望住個海都要隔住左幾條馬路，但望出去都叫做心曠神怡。因為個朋友生日，所以都各自揀左中間價錢的簿燒及厚燒澳洲和牛感謝祭套餐，另外，其中一個餐升級左個生蠔同龍蝦。成個套餐總共有十四樣野食，印象比較深刻有幾樣先講下個南非鮑魚，食落Q彈感覺，燒得來岩岩好其次係個鵝肝，一口食落，真係入口即溶，配埋個面包，就唔會有好漏的感覺，係絕配。升級左的生蠔，係比正常大隻左，附有啫喱，食落個生蠔好creamy。仲有不得不提的當然升級左青龍蝦，鐵板燒完後食落有咬口，完全食到個鮮味，另外仲會將一部份肉身入去煲湯，可以話係一味兩食。另外個澳洲簿燒及厚燒，兩者味道截然不同，厚燒就啖啖肉，一咬落去牛肉汁就會流晒出來，簿燒口感感就配埋配料就爽脆。最後不得不提的係佢最後個牛油砂糖多士，有小小畫龍點睛的感覺，為呢餐做左個最靚的結尾。由於成個餐有成14道菜，食到好飽，結果當晚係唔再需要食晚餐。