陶源酒家 (已結業)

今年嘅大閘蟹宴我哋去咗九龍灣嘅陶源酒家-任食大閘蟹宴🦀🦀🦀今次嘅蟹宴性價比高，喺Klook買大約$475一位，另有+1服務費，埋單$550一位。前菜都相當不錯，有四個選擇，我們選了蠔皇原隻鮑魚和蟹粉扒豆苗，雖然鮑魚不是很大隻，但煮得淋，容易入口，花菇很大隻👍🏻豆苗亦都很新鮮🥦到主角大閘蟹🦀🦀🦀有三個煮法可以選擇，清蒸大閘蟹、鹽焗大閘蟹和花雕蒸大閘蟹，三個煮法嚟講，清蒸大閘蟹最為出色，因為鹽焗稍為鹹咗少少，而花雕只有淡淡嘅花雕酒味，而且清蒸最能帶出蟹本身嘅味道，今次食主要是食蟹公為主，蟹公雖然冇蟹乸咁多膏，但蟹公的膏較為清香，入口香滑，會食得較多。另外仲有涼拌、主食和甜品，今餐真係非常豐富。