影片
更多
2021-05-17
497 瀏覽
同幾個朋友到常滿打邊爐兼食下點心。透過openrice訂位，每人獲送半隻乳鴿。朋友未夠7點到達，餐廳當時已經幾乎坐滿晒人。我哋獲安排坐近門口、對住收銀處嘅枱(坐落之後發覺原來有3邊都係通道位，人來人住，每當遇到推車仔送食物/執枱就要起身讓路，坐得極唔舒服嘅一餐飯)。贈送嘅乳鴿好夠味，仲要係炸起無耐先送嚟，所以熱得嚟皮係有脆嘅效果。至於我自己就係衝住啲點心而嚟，所以叫咗幾樣試下。咸水角同蘿蔔絲酥餅似係即叫即做，好味道過好多酒樓、薑葱牛柏葉好夠熱，調味亦足、蝦餃好大隻，入個全部係大蝦，好滿足；我覺得比較差嘅點心係小籠包，塊皮好厚好乾，豬肉餡唔多夠味，而且又無畀醋。火鍋料都唔差，雖然只收每位$168+10%，肥牛都唔似係街市賣最平個隻而係貴一個價錢嗰種。滑牛都唔錯，真係幾滑口。手打丸(墨魚丸同鯪魚丸)好爽好有咬口，味道亦好。脆肉鯇魚好脆，兼且一啲腥味都無。牛柏葉、水魷、花膠(棉花雞嗰種)、豬紅、雜丸、各式蔬菜之類就喺自助區攞。仲有其他食品喺自助熟食區供應(可能天天不同)，我去嗰日就有鮮蝦腸粉、豬皮魚蛋、碗仔翅、片皮鴨、糖水等等。不過我哋幾個都無食，唔知咩質素。飲品都有十幾款，仲有啤酒都係任飲
透過openrice訂位，每人獲送半隻乳鴿。朋友未夠7點到達，餐廳當時已經幾乎坐滿晒人。我哋獲安排坐近門口、對住收銀處嘅枱(坐落之後發覺原來有3邊都係通道位，人來人住，每當遇到推車仔送食物/執枱就要起身讓路，坐得極唔舒服嘅一餐飯)。
贈送嘅乳鴿好夠味，仲要係炸起無耐先送嚟，所以熱得嚟皮係有脆嘅效果。至於我自己就係衝住啲點心而嚟，所以叫咗幾樣試下。咸水角同蘿蔔絲酥餅似係即叫即做，好味道過好多酒樓、薑葱牛柏葉好夠熱，調味亦足、蝦餃好大隻，入個全部係大蝦，好滿足；我覺得比較差嘅點心係小籠包，塊皮好厚好乾，豬肉餡唔多夠味，而且又無畀醋。
火鍋料都唔差，雖然只收每位$168+10%，肥牛都唔似係街市賣最平個隻而係貴一個價錢嗰種。滑牛都唔錯，真係幾滑口。手打丸(墨魚丸同鯪魚丸)好爽好有咬口，味道亦好。脆肉鯇魚好脆，兼且一啲腥味都無。牛柏葉、水魷、花膠(棉花雞嗰種)、豬紅、雜丸、各式蔬菜之類就喺自助區攞。
仲有其他食品喺自助熟食區供應(可能天天不同)，我去嗰日就有鮮蝦腸粉、豬皮魚蛋、碗仔翅、片皮鴨、糖水等等。不過我哋幾個都無食，唔知咩質素。
飲品都有十幾款，仲有啤酒都係任飲。美中不足係因為我哋想盡快食完離開現場，唔記得食港產Coco Berry杯裝雪糕。
如果唔係咁啱附近坐咗4批男/女真漢子(每批8-12人，用膠板隔開)，令到我哋長期處於高噪音環境，嘈到傾唔倒計兼且頭都暈，我相信我同朋友會更享受是次晚餐。
張貼
