新泰東南亞餐廳 (雙子匯1期)

營業中

休息中

屋企人話有新商場落成，話要試吓泰國菜，咁就出嚟同佢哋試吓。到去見到張紙上邊個local有啲熟口熟面。跟住再睇清楚啲原來係馬鞍山都有呢一間餐廳，呢間之前喺馬鞍山食過都唔錯，所以都帶咗支強心針。先嚟過泰式生蝦，個辣汁好搶喉超爽。跟住就嚟咗個咖喱軟殼蟹包，個農夫包唔太硬索埋啲咖喱汁簡直一流。不過有少少失望係個牛扒冇牛味，咬落去好似食緊豬肉咁。同埋個串燒，無炭火嘅焦香味，感覺好似蒸完再用火燒一燒。但係個蝦醬炒飯幾足料，啲蝦肉大大粒又夠爽。個濕婆就賣相怪啲，啲料多過啲粉，如果啲瞓多返啲就好啦，因為成碟裏便淨係見到汁同埋餸。事次用餐為自費。