四季 (已結業)

嗰日聽朋友講依間餐廳唔錯，所以嚟開依頭就食晚餐。一入去見到餐牌覺得好抵，主食再自己選擇配料，仲要基本上乜嘢台灣小食都有，所以望住個餐牌都真係會選擇困難症，好吸引。唔單止主食，佢連台灣特飲都有!我最後揀咗鹽酥豬扒魯肉飯，個豬扒好夠脆，不過都真係幾油膩。魯肉都算夠，仲有隻滷蛋同菜，真係好抵！同埋個飯好大碗，完全夠飽，整體亦都真係唔錯，幾好味。不過我本身諗住慳錢唔飲嘢似乎唔得，因為食鹽酥豬扒超級口渴，點都應該嗌返杯嘢飲。店員都好足夠，上菜亦都好快，性價比高！