風車

營業中

休息中

今日約左谷友在大圍交換植物，順便食個晏，見到個名好特別，風車餐廳，試下先。😘一入餐廳，首先被高樓底下的巨大水晶燈吸引，墻身裝飾了古典框邊大鏡，令整個空間有點古色古香。坐得舒服都要食得好才可，同行朋友仔鐘意芝士，又識食芝士，就揀左個芝士流心漢堡，我就揀大蝦意粉。前菜是薯仔西蘭花湯和三文魚沙律，一點也不馬虎，濃香的湯，落足材料，三文魚沙律好新鮮，一點也不欺場。😋主菜上台，大蝦意粉有四只新鮮大蝦，意粉用茄汁蘑菇炒香，份量足味道好，最讚👍是大蝦新鮮爽脆，性價比高。朋友仔對漢堡餐讚👍不絕口，評價甚高，她說用了貴價的藍芝士，不枉次行。內行人都讚👍好，可見餐廳之用心❤。餐飲也很特別，朋友仔的荔枝梳打，味道清香不太甜，飲得放心。我揀的水果茶也不錯，飲得舒服又放心❤。