Yatai Plus

營業中

休息中

屋台即係日本街邊檔，食物平靚正。係石門就有間「屋台+」，食物一樣平靚正。叫得「屋台+」就係主打日式食物，除咗一般丼物，仲有刺身丼、窩物、小食、甜品、特飲等。午市刺身丼都唔洗$100就食到。我今次食呢款赤の丼都係$85，已經有赤海蝦、三文魚、赤身、拖羅蓉，而且份量仲唔少添，又包咗味噌湯。刺身質素都唔會Hea你，$85真心超值。另外加錢叫咗杯飲特飲「赤の果」，係雜莓沙冰。估唔到飲品都有甜品屋質素。最後想講埋佢哋個小食「沖繩風大蝦」真心好食，酸甜有少少辣，大蝦開半炸到卜卜脆，加埋紅蘿蔔，洋蔥、冬菇粒炒埋一碟，賣$58 一碟真係良心價。