Tuned Coffee & Roastery

營業中

休息中

閒日特登約朋友出去Cafe今次揀咗呢一間，個人覺得都幾高質。餐廳裝修以白色主，空間唔算大，咁啱我哋中午時分過去唔知特別多人，但如果坐滿人的話應該都會幾逼下。另外餐廳門口前面放左幾盆植物，俾食客打下卡。日式燒雞腰果仁沙律沙律材料都豐富，有醃漬姜、青瓜、番茄仔、沙律菜、牛油果泥、果仁、雞肉配上中東芝麻醬，同埋蛋黃醬，雞肉做法就有d似日式串燒雞肉嘅味道，好食嘅。松露油忌廉大啡菇貓耳松露味突出，貓耳朵煙煙韌韌，好有口感，而且每一啖意粉都被黑松露味包裹住 好味。大啡菇份量都足。All day breakfast 睇出呢個all day都幾有誠意，配料款式多，不過美中不足嘅點係煙肉有少少硬，但係熱辣辣嘅bagel將它拉滿返小小分數。整體上食物嘅質素出品都可以，份量同價錢成正比，睇得出小店經營都非常之用心。