勝八鉄板串料理 (已結業)

財政預算剛出爐，又退稅又加免稅額，個荷包立刻闊左，即刻想食ｄ好野，行過CWB永光中心，見地下水牌這間餐廳竟然做85折?立即衝上去再食豪ｄ。這間餐廳裝修ok，一般居酒屋式格局，鐵板位不多，今天老婆皮膚唔好，都係避下油煙，餐牌有多款鐵板套餐，但今天想乜都食ｄ，都係散叫好，居酒屋當然有多款酒類供應，但今天只得我想飲，唯有下次再drink，食鐵板唔飲多都少少，啤酒頂下癮，老婆今日唔飲得，叫杯巨峰梳打，痴啖就一定啦，巨峰味足亦不太甜，good。熱氣野未到，叫個刺身拼盤，新鮮，質量不錯，比美高級魚生店，三文魚相當肥美，不似一般只專注酒的地方，食物質素相當不錯。軟殼蟹沙律夠份量，軟殼蟹足有一隻，而且配上新鮮蔬菜加溫泉蛋，絕不油膩，正。煙豬肝好像是沖繩菜，夠煙燻味，食落唔會乾口，加埋芥子醬，香味夠不嗆口，送酒一流，帶子鵝肝卷的帶子夠新鮮，甜滑，鵝肝味突出但又蓋不了帶子的甜，炸薯絲亦不搶味，平衡一流，主角來了，鐵板銀鱈魚做得恰到好處，外皮焦脆，內裡嫩滑，一咬魚油在囗中散發，師傅手法真係一流，大蝦夠新鮮，肉質爽甜，最值得嘉許是這兩道鐵板美食火喉控制一流而且調味恰當，不會過與不及，一流。這兩道絕對考功夫。燒