La Terrasse by ÉPURE (已結業)

同男朋友週年紀念，想食法國菜，見呢道又有景，set dinner價錢又合理就第一次來。Service係超好，包括有笑容，主動，細心，仲有幫客人影相技術已經好熟，知道咩角度好。厲害！叫兩個3courses set dinner, 頭盤法國蝸牛，仲有carpaccio ! 2個都好清新，不會肥ge感覺，略嫌carpaccio牛味爭少少。但份量適中，不錯！值得一讚加左少少沙津菜，係十分加分。試過食carpaccio 可以係好多油，但呢個無。配埋cheese仲有一粒粒唔肯定係咩，但脆口的，成件事口感好豐富。Main course食 Rib, 仲有龍蝦意粉。唔記得影相。rib煮到好淋身，好好食。龍蝦意粉唔係原隻龍蝦上，但勝在啖啖肉，如上意粉煮得剛剛好，有口感，配蕃茄醬好食。但份量比我預期中細少少啦餐廳知我們anniversary 仲送馬卡龍俾我地！仲要係4粒唔同味道。全部都不會過甜！呢間餐廳真係物超所值，計埋飲品，2人900元埋單。食完係好開心，因為無論口感，配搭，份量所有都恰到好處。我覺得直頭已達到fine dine咁好。係尖沙咀，對住維港，100分service，講真呢個價錢，真心推介。