悅火 (已結業)

放假約左朋友食日本野，睇到呢間既店幾特別又幾靚咁，所以就黎左呢間「悅火」，呢度距離地鐵站都好方便，到左餐廳見到環境上都好開揚，裝修上都企理乾淨，有一種日本既感覺，呢度分別有兩個區，日式區同埋爐端燒區，爐端燒區前面放滿食材，好有另一番感覺，呢度款式上既選擇都好多，反正第一次來到，就問職員有咩好介紹‼️‼️經推介下挑選的悅火晚市套餐，等一陣就到了，啲野食都來得幾快‼️💠有前菜係汁煮花螺：唔錯都好食💠鮑魚：爽口加彈牙，食到好有口感仲有好重既鮑魚味道💠刺身 三點：包括有大拖羅，赤身，金目鯛，夠冰凍又好鮮💠爐端燒燒物八品：大部份都好啱我口味，好食阿💠天婦羅：炸得好到位，多餘油份抽走晒，炸得乾身，裡面既料好豐富💠吸物鯛魚濃湯：魚味比較濃郁💠茶漬飯：份量比到足💠甜品：間中食下甜品又不錯✅地址： 尖沙咀東部加連威老道100號港晶中心地下10-11號舖 🔅整體而言：食物質素十分好，用貴價食材但收平民價錢，抵食加上環境好好，好值得再來幫襯🔆