肯德基家鄉雞 (KFC) (已結業)

明明同自己講減肥最緊要係食得清一點，但係唔知點解神推鬼擁的情況下買左呢個巨型雞肶餐做午餐﹗都係怪自己太為食，見肯德基有新推介，就買來試下﹗隻雞肶真大得好誇張，成隻春雞咁大，外皮炸得金黃酥脆，食落當然啖啖肉，不過一口咬下去O的油一滴一滴滴下來的感覺令人好生難受，好後悔買左呢個餐，不過理智控制唔到我自己，最後成隻雞肶連皮食哂.....個飯就真係麻麻喇，0的汁好似茄汁咁，又唔夠味又稀，我想如果佢配磨菇飯一定更大受歡迎﹗吃完只有同自己講，無心之失，下一餐食清0的﹗