影片
更多
2024-09-06
130 瀏覽
今日同家姐慶祝生日，約咗佢放工之後去荃灣食泰國嘢，預先book定咗位於荃新天地嘅ASOK THAI GARDEN，我哋大約6:30去到入面仲有好多位，侍應安排咗我哋坐喺牆邊位置，超級方便我同家姐打卡。炸蟹餅配青檸忌廉芝士醬有成3舊脹卜卜嘅炸蟹餅，切開入邊真係滿滿嘅蟹肉，外面炸得好香脆，但係又唔會太燶，點埋個青檸忌廉芝士醬，令到個蟹肉餅唔會太寡。蒜香斑蘭烤羊架呢碟餸嘅擺盤好靚，一樣係有三舊大大嘅羊架，羊架整得啱啱好，有少少羊臊味，唔會太濃烈，所以好香。下面嘅配菜吸收咗羊嘅味道，好味。青咖喱牛+薄餅呢間餐廳嘅青咖喱有少少辣，都有好香嘅咖喱味，最估唔到嘅係入邊竟然有好多牛肉，我同家姐食極都食唔晒，性價比高！芒果糯米飯甜筒佢嘅賣相好靚，啱晒鍾意打卡嘅家姐，佢有芒果糯米飯，仲有椰子雪糕甜筒，一次過滿足晒兩個願望。Coconut + Coconut Smoothie一個係純正鮮甜冰凍嘅椰青，一個係椰青沙冰，兩個嘢飲都好好味。其實仲有好多好特別嘅嘢飲，不過同家姐都唔想飲酒精類飲品，所以冇叫到。如果鍾意飲酒精飲品，又想打卡，極度推薦叫佢哋嘅嘢飲。呢間餐廳舒舒服服，嘢食又好味，同家姐食食傾傾偈，咁就過咗
炸蟹餅配青檸忌廉芝士醬
有成3舊脹卜卜嘅炸蟹餅，切開入邊真係滿滿嘅蟹肉，外面炸得好香脆，但係又唔會太燶，點埋個青檸忌廉芝士醬，令到個蟹肉餅唔會太寡。
蒜香斑蘭烤羊架
呢碟餸嘅擺盤好靚，一樣係有三舊大大嘅羊架，羊架整得啱啱好，有少少羊臊味，唔會太濃烈，所以好香。下面嘅配菜吸收咗羊嘅味道，好味。
青咖喱牛+薄餅
呢間餐廳嘅青咖喱有少少辣，都有好香嘅咖喱味，最估唔到嘅係入邊竟然有好多牛肉，我同家姐食極都食唔晒，性價比高！
芒果糯米飯甜筒
佢嘅賣相好靚，啱晒鍾意打卡嘅家姐，佢有芒果糯米飯，仲有椰子雪糕甜筒，一次過滿足晒兩個願望。
Coconut + Coconut Smoothie
一個係純正鮮甜冰凍嘅椰青，一個係椰青沙冰，兩個嘢飲都好好味。其實仲有好多好特別嘅嘢飲，不過同家姐都唔想飲酒精類飲品，所以冇叫到。如果鍾意飲酒精飲品，又想打卡，極度推薦叫佢哋嘅嘢飲。
呢間餐廳舒舒服服，嘢食又好味，同家姐食食傾傾偈，咁就過咗兩個半鐘，服務員都無趕我哋走，讚！
張貼
