悠 (已結業)

星期六最啱瞓到自然醒，呢間餐廳雖然細細地，座位唔算多，但係裝修都幾別緻。而且佢位於元朗西鐵站附近，都算幾方便。蒜香辣椒煙三文魚意粉 （煙三文魚大大塊，入面仲有啲三文魚粒，意粉軟硬程度適中帶點彈牙，蒜香味突出，微辣）熊熊朝日 （叫呢個餐最主要都係想食佢個薯蓉焗蛋，薯蓉質地幼滑，食落去仲有一粒粒碎洋蔥，配埋流心雞蛋，真係幾match 㗎。另外值得一讚嘅係佢嘅番茄香草麵包，麵包軟熟而且食落去番茄同香草味好突出。南瓜薯餅都好抵讚，yummy。沙律既汁都係另上，好細心。呢個早餐嘅組合比起平時出面食嘅特別）玉桂蘋果咖啡 （玉桂味有點兒霸道，完全只係飲到玉桂味，但係整體嚟講杯咖啡都係好飲）