悠 (已結業)

元朗好多小店cafe 要一直食落去😋話說係未食正餐情況下 搵左間都主力整all day breakfast既cafe 有一定質素同朋友一齊揀豐盛朝日 上碟賣相滿滿的元氣 新鮮製作 尤其係個薯餅 新鮮整起食真係唔同d👅 而滑蛋熱辣辣襯香脆麵包都好夾飲品叫左玫瑰Latté 有香味 合格環境雖小但整體風格令人舒服 加上個書櫃幾home feel (擺放既書刊都好有意義) 員工都好嚴格執行體溫檢查👍🏻如無客人情況下 應該都可以繼續坐落去傾計 係可以encore既餐廳

依家開咗咖啡店越來越多，所以去到邊都想試吓啲唔同嘅咖啡店.🤩 今日由沙田踩單車踩到去元朗，仲有成三個鐘之後搵吓附近有咩食，就見到呢一間嘅Cafe唔錯，尤其係俾佢嘅外貌吸引，店鋪採用左用木原木色嘅木屋，好有文青feel，好有書卷味🤪 三文魚明太子意粉：係用腌製嘅三文魚造成一朵花，外貌可以加滿分，食落去都唔錯，再加上明太子醬意粉，兩者加埋好有海洋嘅感覺😋 木糠芝士蛋糕：消化餅餅底，忌廉芝士，木糠粉淋面，三樣簡單嘅食材，都已經令到個蛋糕好好食😚 綠茶latte：不過不失，抹茶味ok，不過因為價錢而比低分，四十幾蚊一杯，但我覺得唔值得，因為可能上面嗰兩個好好食，價錢覺得值得🤪 整體來講都值得一試，價錢略貴，味道高質z

元朗國有間黃cafe叫做leisure悠當日catgirl仲未收皮女朋友就係睇完話好想去呢一間餐廳因為有all day breakfast食地點係國家火車站既對面要過去就有d複雜而家好似起緊天橋將來算係可以輕鬆去到餐廳唔算大除左出面bar檯入面都係得六七張檯不過環境唔錯書櫃上面有漫畫有小說有文宣座位就有少少似學校凳仲有好多植物比港女打卡用餐廳除左all day breakfast仲有意粉類呢個係水波蛋卡邦尼78蚊以白汁為主都係不過不失all day breakfast有三款女朋友揀左輕怡朝日98蚊四款食物擺位幾對稱有大啡菇沙律果麥乳酪杯紫芋甘栗餅芝士長通粉望落去吸引過碟意粉而且仲係素食岩晒選擇困難既港女最後係雲石芝士蛋糕除左個樣靚少少之外都係正正常常飲品要半價先有當時堂食未洗加一幾樣加埋二百三左右都算正常水平起碼叫做有份甜品all day breakfast都算大份黃侍應都有禮貌不過餐廳淨係做日頭生意夜晚無得食睇番原來悠既老閣旗下仲有花火和食等幾間既和洋式餐廳亦都有上過黃大地一直都有想去紅磡試下

悠Leisure雖然位於元朗西鐵站附近，但店舖位置並不起眼，本人亦花了點時間才找到😆這間文青格調的Cafe看似由宗教人士所經營，所以店內也有許多有關宗教色彩的正面字句🙂.和牛朝日ADB包含日本直送和牛漢堡扒🐮吉列炸蝦配他他醬、日本南瓜薯餅、挪威煙三文魚、香草包、焗豆、原隻大啡菇等😃和牛漢堡扒軟熟不鬆散，油脂香氣充滿👍🏻另外本人較欣賞是南瓜薯餅，因為南瓜特別香甜，外層香脆😋大啡菇入口很juicy👍🏻炸蝦就反而遜色了些，始終是急凍蝦，入口總會有點雪藏的味道😅.Cappuccino正常發揮👌🏻

元朗有好多美食，見Leisure 食評中有不同的負面及正面評價，決定親身體驗！！ All day breakfast 豐盛朝日 - 整體滿意，牛肉薯餅去香脆程度剛剛好。但牛肉味道及口感沒有想像的好，而香草腸給人的印象太過乾身。和風明太子煙三文魚意大利粉 - 整體不錯，分量充足，醬汁與意大利粉的均勻程度良好。使用簡單的伴菜及擺碟，卻整體提升了用餐者享用美食的經驗，不得不讚以配搭了一遍香脆的芝士脆片，視覺更佳。最後，服務質素及態度問題，由於今次進餐是在飛繁忙時間，上菜速度可有效率，但很未有體驗到惡劣的對待，也不會主動介紹餐牌。但個人來說整體的體驗是舒服的，離開時亦會主動答謝客人。💛總結: 突然步入元朗國的黃店，是次經驗尚算良好，期待下一次在繁忙時間享用其他菜式。

放假黎元朗hea ，見到依間Cafe主打All Day Breakfast，就膽粗粗去試下，點知有個唔好既用餐體驗🤦🏻‍♀️。落單既時候，A店員話要等B店員收完錢先落單，等左一陣都冇人理我地，原來A店員冇同B店員講我地要落單😑。到用餐，男朋友一放低叉店員就即刻問係咪唔要，到我放低亦都係同樣情況，如果有客排隊等緊，係可以理解，但果段時間係冇，俾我一種趕客走既感覺。假日關係飲品另計收正價，總要收服務費。整體而言食物質素麻麻地，價錢貴，性價比低。♥️和牛朝日 $168份量都幾多，煙燻三文魚冇咩特別，和牛漢堡好乾身，味道一般，南瓜薯餅炸得香脆，甜甜地，吉烈蝦屬於急凍貨，最欣賞原隻大啡菇，外表微乾，裏面爆汁。♥️波士頓龍蝦意大利麵 $138龍蝦🦞幾大隻，同張相差唔多樣，但肉質霉霉地，冇咩龍蝦味，意粉正正常常。♥️沖繩黑糖鮮奶咖啡(冷) $44♥️玫瑰朱古力 (冷) $38飲第一啖超級甜，以為自己未攪勻，再攪下都係咁，甜到渴喉。

元朗鬧市入面都有一間小小嘅文青cafe，外面睇佢係一間日式裝修，仲好有文青氣息，適合想係到邊飲咖啡邊睇書嘅人💛豐盛朝日🍞🍳$128一個早餐有齊好豐富嘅食物：黑松露炒滑蛋、香草腸、日本牛肉薯餅、挪威煙三文魚、香草包、焗豆、原隻大啡菇沙律麵包有少少香草味，有烘底，蛋係用左日本蛋黎炒，非常新鮮，不過黑松露味就淡左啲，最欣賞個牛肉薯餅，幾重薯味，炸得脆，其他野都有水準，味道正常🧡和風明太子煙三文魚意大利麵 🇮🇹$88意粉質地好靚，唔會太淋，有口感，明太子味濃，個人超like呢個意粉，推介🌟💛沖繩黑糖鮮奶咖啡 ☕️$42黑糖味就冇乜，比普通latte甜，不過咖啡味都幾香，冇咁甜的話就完美假日早餐時間較少人，想靜靜地坐可以早啲黎，價錢適中，唔會太貴

基於好多不同的因素，就算有踏足元朗這地方，都好少會悠閒地停留，在區內行行逛逛、飲飲食食。這一次，先去到屯門，把車子交低給車房做年檢之後，決定同太太來元朗，目的就是行行逛逛我們從未去過的 Yoho Mall。可是，場內的食肆大多是連鎖店，不是太吸引。然後，我打開了電子地圖找找看，發現街外有不少文青的咖啡店 / 食店啊。近近地，我們找到這一間《悠》 (Leisure Cafe) 有素食餐，我們就離開個 mall，走出街找。位置算是隱蔽的，唔熟路既的確要花少少時間找。但，當我們吃好了，準備走返入去 Yoho Mall 時，才發覺這小店是正正對著大馬路的，識路熟路，就唔駛兜來兜去。一入門，就能夠感覺到這是一間富有特色的小小食店。前鋪沒有座位，是一個咖啡外賣店的格局。門後，就是小店的雅座餐室。有一道令人感覺舒適的花草牆，有一張放了當日報紙的小桌子，也有一個充滿了各類型書籍的書架。當中不少更是作家親自寄賣的啊。可以說是一個充滿了文青氣色的小小空間。說吃了。這兒主打的，都是 All Day Breakfast 類的食品。太太就來了一份名叫 "輕怡朝日" 的素食早餐。一個芝士焗長通粉，沙律配大啡菇同一

呢個係屯馬線元朗站附近由一班後生仔打理既小店，同yoho mall一橋之隔，面向大馬路，如果唔係專登過黎其實好少會發現。以元朗假日來講人流唔多，中午時分只有5-6人排隊。小店內籠以原木色同植物做主調，好似台灣東區既休閒cafe。店內有香港特色既精品，同埋好多旅遊書同漫畫，比客人用餐時睇。餐牌主要食物係all-day breakfast, pasta, 甜品同咖啡類飲品。沖繩黑糖鮮奶咖啡比一般咖啡甜，有朱古力既甜度，有厚厚的泡沫，通常啱女仔飲。豐盛朝日黑松露炒蛋好滑，松露味十足。香草包又熱又脆。牛肉薯餅外面超脆，入面軟糯唔癡牙。和牛朝日南瓜薯餅最好食，南瓜蓉好甜。和牛漢堡偏向乾身。

元朗覓食cafe篇➖悠 leisure cafe☕️文青日系黃店 假日chill下嘅選擇 店舖面積唔大 但比人一種好溫馨嘅感覺 裝修都係偏向簡約木質 仲有好多書比大家一路嘆住睇😍〰️豐盛朝日 $118🍽擺盤有設計過 打卡影相都好靚✨黑松露炒蛋好香 牛奶同忌廉 好滑好creamy✨大啡菇好好食 諗返起都想食🤤🤤✨日本牛肉薯餅 薯蓉打得好碎 入口滑 同埋好得意嘅係佢好襟擺😂放到最後食都得 入面都仲係熱辣辣😚仲有茄汁豆同挪威煙三文魚😅麵包有啲乾 〰️日本水波蛋卡邦尼意大利麵 $78🍝✨意粉味道偏淡 切開隻蛋一齊食🍳就恰好食到濃濃嘅蛋味 味道層次即刻提升左 唔知係咪因為咁 所以煮淡啲呢 ✨意粉軟硬適中 唔錯☺️☺️💰$266 (2人)食物質數 💛💛💛💛環境舒適 💛💛💛抵食指數 💛💛💛推介指數 💛💛💛#hkcp_元朗 #hkcp_cafe #hkcp_黃店👉🏻設加一服務費 只收現金同八達通➖➖➖➖➖➖➖➖➖➖📍悠 (元朗)元朗鳯攸北街9A昌威大廈28號地舖

今日下午放工終於試到呢間既All Day Breakfast,佢既內容非常豐富有3 款，我眼見每一枱最小都一定會叫一個All day breakfast ，而我就揀左2 號既餐，入面有大啡菇，麵包，黑松露炒蛋，豬肉腸，雜豆，而最重要既系有牛肉漢堡，外脆內軟，熱辣辣食，真係好正🤤而佢亦都有得揀配送美式咖啡或者鮮榨橙汁，而我自己係頸椎橙汁比較有益，可以慢慢坐喺度食真係好正，餐廳座位寬敞，14:00 呢d時間都五多人，食完飽到去夜晚都頂得住，簡直係元朗黃店平靚正。下次可以再去試另外兩個嘅All Day Breakfast ,其中一個係輕盈嘅餐，啱晒一眾OL，減肥之選😍 而另一個就比較再豐富啲～～

今日去左一間元朗隱細既小店，地點雖然隔涉，但係真係好值得大家去，小店門口裝修有D似日本風，入到去雖然座位五多，但係都坐得舒服，我地揀左15:00 呢D時間去，人冇平時lunch 既時候咁多。最後我地揀左兩個意粉，真係好好食，無論外貌同口味都好吸引，第一個意粉係冬陰功，好特別，辣辣地好開胃，再加煙鴨胸，份量十足。而我揀左明太子煙三文魚意粉，非常好食😋，D汁同意粉好夾。下次我地會想試all day breakfast, 見到隔離枱份量十足，最重要係有大啡菇，五係咁多店舖all day breakfast 都有大啡菇。佢哋可以用現金同八達通，都非常方便，下次一定會再幫襯～～❤️

一日之計在於晨☀️能夠食到份豐富早餐 絕對可以幫自己叉叉電今次介紹呢間係元朗數一數二舒適嘅 隱世田園cafe🌻♨️雖然唔係特別平 但絕對有質素👍🏻-📌分類#couple_fooddiary回頭吃系列🤤 #couple_fooddiary_cafe #couple_food💛元朗 -▪️豐盛朝日 $118呢個all day 真係抵讚👍🏻👍🏻好大份 足料🥰佢哋所有嘅食物嘅温度都keep 得好好黑松露炒蛋🍳都非常正😋又嫩滑 又有奶香牛肉🐂薯餅就非常鬆脆😆creamy 得黎又保留到牛肉嘅香味香草腸juicy 😋👦🏻：🌕🌕🌕🌕🌗👧🏻：🌕🌕🌕🌕🌑-▪️香烤大啡菇黑松露忌廉汁長通粉 $68呢個忌廉汁係要讚 重黑松露香🥰同時帶點甜完全唔會滯👍🏻大啡菇🍄juicy 加埋煎香左嘅蘆筍 好夾😋 略嫌餸太少👦🏻：🌕🌕🌕🌕🌑👧🏻：🌕🌕🌕🌕🌗-☕️ 沖繩黑糖鮮奶咖啡 $44黑糖嘅甜味中和咗咖啡嘅苦澀味😋唔太甜又可以品嘗到咖啡香🥰👦🏻 : 🌕🌕🌕🌕🌗👧🏻 : 🌕🌕🌕🌕🌑

星期日下午黎左食all day breakfast, 由於假日關係所有意式咖啡要另計 ，一個人食個brunch 都要接近$200。最奇怪係價錢已經唔平 但仲有加一收費😕重點係。員工服務態度係每況愈下 全部人掛著傾計 ....落單要自己走出黎落 問wifi passport 佢叫我自己出去睇......無言同時 有90分鐘限令 無論店入面有冇人都會要你走 完全不符合小店準則結論:元朗區有好多黃店 依間總總質素都叫我唔會再黎幫襯 因為真係好失望 下次會轉支持其他小店

元朗中的寧靜黃色小店。擺盤擺得幾工整，擺盤擺得好唔好都好影響食慾㗎！芝士焗長通粉，即焗、重芝士味，細細碗就啱啱好，太多會膩。而個紫薯甘栗餅要讚，好味！炸得好脆，裡面啖啖紫薯容。大啡菇味道ok，加咗黑椒粒同千島醬，提升咗大啡菇嘅味道。另外，乳酪本人覺得可以一開頭食或放到最尾先食，不太甜！整體嚟講，性價比都高，值得一試！👍🏽