影片
更多
2022-06-03
120 瀏覽
今晚收工約左食飯，收得工都七點幾。今日又唔係星期五，所以揀食飯地方，就腳就好緊要。所以今晚就揀左喺始創食，又近旺角又喺太子又近旺角東始創其實都有唔少食肆，除左日本野、中菜同素食，仲有我地今晚食呢間西餐，amica閒日夜晚，餐廳門口出面既位就冇人坐，但餐廳入面都有唔少人。我地坐窗邊位，望住西洋菜南街。我地叫左兩個dinner set，選擇都好多。可以鋸排，食燒春雞、意粉、燉飯，連魚都有兩款可以揀。我地既main就揀左炭燒美國斧頭豬配柚子燒汁同埋黑松露野菌美國蘆筍意大利飯。前菜先上。我地揀左一個沙律一個湯。沙律係雜菜沙律，沙律菜都幾新鮮，dressing岩岩好，夠清新湯係蕃茄湯，侍應話係餐廳現打，我地飲得出蕃茄肉既質感同新鮮蕃茄既味，唔係開盒果種糊哂既口感同味道配上餐包同牛油，感覺都係幾清新，同沙律一樣咁開胃主菜同餐飲轉頭就上齊意大利飯一上就聞到好香既黑松露香飯既份量適中，飯粒唔會太林，係有咬口再少少偏向林身既口感成個意大利飯既口感同材料都幾豐富，除左夠creamy，每啖飯都夾雜住唔同既菇菌或者蘆筍，所以唔會覺得好膩而且調味唔會好咸，係岩岩好夠咸，令到你更加會食到菇菌同蘆筍既香味至於斧頭排
始創其實都有唔少食肆，除左日本野、中菜同素食，仲有我地今晚食呢間西餐，amica
閒日夜晚，餐廳門口出面既位就冇人坐，但餐廳入面都有唔少人。我地坐窗邊位，望住西洋菜南街。
我地叫左兩個dinner set，選擇都好多。可以鋸排，食燒春雞、意粉、燉飯，連魚都有兩款可以揀。我地既main就揀左炭燒美國斧頭豬配柚子燒汁同埋黑松露野菌美國蘆筍意大利飯。
前菜先上。我地揀左一個沙律一個湯。沙律係雜菜沙律，沙律菜都幾新鮮，dressing岩岩好，夠清新
湯係蕃茄湯，侍應話係餐廳現打，我地飲得出蕃茄肉既質感同新鮮蕃茄既味，唔係開盒果種糊哂既口感同味道
配上餐包同牛油，感覺都係幾清新，同沙律一樣咁開胃
主菜同餐飲轉頭就上齊
意大利飯一上就聞到好香既黑松露香
飯既份量適中，飯粒唔會太林，係有咬口再少少偏向林身既口感
成個意大利飯既口感同材料都幾豐富，除左夠creamy，每啖飯都夾雜住唔同既菇菌或者蘆筍，所以唔會覺得好膩
而且調味唔會好咸，係岩岩好夠咸，令到你更加會食到菇菌同蘆筍既香味
至於斧頭排，成塊排連埋枝大骨好夠氣勢
咁大塊豬排，火侯控制係最緊要，因為咁大塊排，油脂量唔一定多同油脂分布都唔一定好均勻
一下切開兩半，豬排既中心依然帶少少粉紅色，生熟程度應該係岩岩好
豬排切開，juicy得黎有咬口，而且愈o趙愈有豬肉既香味，配上佢既柚子燒汁，咸香得黎又帶柚子蜜既酸甜同香味，整體黎講做得唔錯
配菜係炸新薯同西蘭花苗，新薯外脆內軟，用岩岩好既鹽黎調味，食完一舊又想再食
西蘭花苗新鮮爽脆、比起甘筍果d，做薯菜就更加有吸引力
餐飲我地一杯叫左薄荷朱古力，一杯柑橘檸檬荔枝冷泡茶
薄荷朱古力香甜幼滑，而且有陣陣薄荷香，唔會淡茂茂，都算係誠意之作
冷泡茶亦都幾重柑橘類既香氣，而且有一塊塊既荔枝肉，酸甜清新又解渴解膩。
整體黎講，上菜速度都算快，餐廳侍應都好好禮貌，而且餐廳靜靜地咁幾舒服
其他食客都係慢慢食，慢慢傾計，我地左右兩枱食客早過我地黎，但我地食完坐左陣佢地都仲好寫意傾緊計👍🏻
餐廳既氛圍確實幾好，會令人放鬆慢慢食，食完又坐下傾下計，成個體驗都好舒服😌令我幾鐘意👍🏻
食完兩個set dinner，本身都諗緊好唔好叫個甜品黎試下。但飲哂兩杯餐飲之後，感覺都好飽下，所以下次先再黎試下佢地d窩夫同埋睇落都好吸引既香蕉拖肥批。
張貼
