影片
更多
2023-04-06
609 瀏覽
將軍澳食肆多，但大部分都係連鎖店，將軍澳南海邊不乏西餐廳，不過大多人聲鼎沸，今晚想靜靜地享受晚餐，於是試吓呢間喺坑口村新開嘅餐廳。 呢個舖位，之前都係西餐廳，而且門口有大大個燈箱，非常易搵。 小店裝修簡約，光猛舒適。格局似CAFE多過餐廳。餐牌選擇唔算太多，不過因為未幫襯過，猶豫食咩嗰陣，主厨已主動介紹菜式,了解咗我哋嘅口味，就介紹咗佢認為啱我哋食嘅菜式。炭燒西班牙黑毛豬梅頭烤日本甜薯 用得梅頭已經知係腍身啲，食落爽脆，豬味非常濃郁，炭燒後令佢更香口同無咁油膩。甜薯唔係隨便燒，而係用牛油蜜糖焗過，所以食落甜味更柔和，食咗幾粒都唔會滯。MARGHERITA PIZZA$178 呢款PIZZA材料簡單，但好難做得好，係每間賣PIZZA餐廳嘅考牌功課。 批底非常鬆脆，主厨選擇用羅勒打成醬，用切片水牛芝士去做。平時用羅勒葉，PIZZA咁大，好難每啖都食到羅勒葉，反而用醬，啖啖都有羅勒香味，而且味道更濃。西班牙紅蝦汁扁意粉$288西班牙紅蝦係矜貴食材，餐牌上本來寫係意大利紅蝦，不過聽主厨同其他客人講番西班牙
將軍澳食肆多，但大部分都係連鎖店，將軍澳南海邊不乏西餐廳，不過大多人聲鼎沸，今晚想靜靜地享受晚餐，於是試吓呢間喺坑口村新開嘅餐廳。
呢個舖位，之前都係西餐廳，而且門口有大大個燈箱，非常易搵。
小店裝修簡約，光猛舒適。格局似CAFE多過餐廳。餐牌選擇唔算太多，不過因為未幫襯過，猶豫食咩嗰陣，主厨已主動介紹菜式,了解咗我哋嘅口味，就介紹咗佢認為啱我哋食嘅菜式。
炭燒西班牙黑毛豬梅頭烤日本甜薯
$298
9 瀏覽
1 讚好
0 留言
炭燒西班牙黑毛豬梅頭烤日本甜薯
用得梅頭已經知係腍身啲，食落爽脆，豬味非常濃郁，炭燒後令佢更香口同無咁油膩。甜薯唔係隨便燒，而係用牛油蜜糖焗過，所以食落甜味更柔和，食咗幾粒都唔會滯。
MARGHERITA PIZZA
$178
10 瀏覽
0 讚好
0 留言
MARGHERITA PIZZA$178
呢款PIZZA材料簡單，但好難做得好，係每間賣PIZZA餐廳嘅考牌功課。
批底非常鬆脆，主厨選擇用羅勒打成醬，用切片水牛芝士去做。平時用羅勒葉，PIZZA咁大，好難每啖都食到羅勒葉，反而用醬，啖啖都有羅勒香味，而且味道更濃。
西班牙紅蝦汁扁意粉
$288
9 瀏覽
0 讚好
0 留言
西班牙紅蝦汁扁意粉$288
西班牙紅蝦係矜貴食材，餐牌上本來寫係意大利紅蝦，不過聽主厨同其他客人講番西班牙紅蝦去厨，但無調整價錢，即時要試吓。
紅蝦當然係極之鮮甜，而意粉汁另加蝦湯蔬菜汁熬製，蝦味非常澎湃，而且主厨毫不吝嗇，上足兩隻剝好殻嘅蝦，輕輕整開蝦頭就可以好方便食晒隻蝦，唔怪得出面要賣4,5百蚊一份。希望下次食都可以做番呢個價啦。
日本味噌配新鮮青口蟹肉意粉
$158
4 瀏覽
0 讚好
0 留言
日本味噌配新鮮青口蟹肉意粉$158
青口新鮮嫩滑，味噌汁鹹香，蟹肉份量夠，啖啖意粉都食到蟹肉，FUSHION得非常出色。
FIKA 炸雞配青檸乳酪醬
$78
8 瀏覽
0 讚好
0 留言
FIKA 炸雞配青檸乳酪醬$78
炸雞非常香口，但雞肉JUICY鬆化，點番個乳酪醬即刻無咁熱氣，而且酸酸甜甜幾夾，話咁快就清晒。
焦糖蘋果金寶配精選雪糕
$88
6 瀏覽
0 讚好
0 留言
焦糖蘋果金寶配精選雪糕$88
本身好怕食呢個甜品，因為出面嘅APPLE CRUMBLE通常整得好甜。
呢個APPLE CRUMBLE表面脆口，蘋果茸唔會太杰，充滿玉桂香味，而且蘋果肉微酸小甜，食得多都唔會飽滯。
喺執筆之時，適逢住將軍澳朋友約我食晏，咁啱佢又留意到呢間新餐廳，於是又去試埋午餐
辣根甘筍湯
6 瀏覽
0 讚好
0 留言
辣根甘筍湯
好少飲呢個湯，喺甘筍甜味之中。會食到一下似WASABI嘅味道，清甜中有一點刺激，好新奇。
午餐-燒紐西蘭肉眼配粗薯條，炒雜菜$158
$158
9 瀏覽
0 讚好
0 留言
燒紐西蘭肉眼配粗薯條，炒雜菜$158
叫咗MEDIUM,肉質比想像中鬆軟，難得牛肉濃郁，配特製燒汁，好惹味。粗薯條竟然非常酥脆，好奇一問，主厨話薯條要炸兩次，先可以做到呢個效果。
午餐-燒美國豬肉眼，配香滑薯茸，炒雜菜
$128
10 瀏覽
0 讚好
0 留言
燒美國豬肉眼，配香滑薯茸，炒雜菜$128
豬肉眼用慢煮處理，肉質比想像中鬆化而且JUICY,主厨話經過特別處理，但要保持神秘。
薯茸
8 瀏覽
1 讚好
0 留言
薯茸先至係最驚喜。薯茸用新鮮薯仔混合牛油，當中保留薯仔粒粒，非常邪惡，但又係好食都停唔到口。
去小店嘅好處係，老闆、主厨會有心機同客人互動，可以詳細講解菜式再介紹，始終打工同創業唔同，亦睇得出主厨真係好享受烹飪，亦虛心聽客人嘅意見。
留意到牆上，寫咗店名FIKA嘅意思，喺度食嘢，真係可以放慢急促嘅心情，悠閑地享受美食同環境。希望餐廳可以保持水準，等我可以多個開餐嘅地方。
張貼
