Black Bear

營業中

休息中

表姐從英國回來住在太古城，今日專程過嚟探下佢，見到佢樓下有間裝修好雅緻嘅咖啡店叫Black Bear ，環境乾淨幽雅，座位寬敞舒適，正好我哋邊食邊傾聚下舊。茄汁大蝦扁意粉，食物擺設得好靚，大蝦爽口啖啖肉，蕃茄仔香甜，扁意粉軟硬適中，每條都掛上濃郁又甜美的醬汁，十分美味！鰻魚飯定食，有湯和前菜，鰻魚燒得好香口，而且厚肉肥美，魚油味都幾突出，醬汁份量亦啱啱好，伴飯食好惹味！士多啤梨乳酪巴菲，賣相精美，雪糕質感香滑濃郁，加埋士多啤梨醬，食落帶有清甜又濃厚嘅士多啤梨香，生果有士多啤梨和藍莓，味道酸酸甜甜，杯底下又有酥脆的穀麥片，多層口感令人食不停口。黑熊巴菲：咖啡味嘅雪糕和咖啡凍都好香濃，加埋脆脆增加口感，鍾意咖啡嘅朋友一定唔好錯過。熱情果檸檬梳打，百香果味道香甜，加入一片青檸和梳打水，成了一杯夏日清涼解渴飲品。熱朱古力拿鐵，拿鐵拉花，濃縮朱古力加上綿滑鮮奶奶泡，口感滑順、濃郁，細膩滋味令人一試愛上。