榮昌茶座

營業中

休息中

難得放假無咩野做，天氣涼涼地又好太陽，就叫埋朋友一齊遊車河郊遊去。遊完大西北再返回北區附近，兜去哥爾夫球場睇下，見到呢間茶座坐滿晒人，見個肚有點位就入去嘆下。呢度有全露天枱，多數係帶埋汪星人坐嘅，我地就坐左入面有冷氣嘅地方。看看餐牌，三個人叫左豬扒包、豬扒飯、咖喱牛筋腩飯、奶茶涼粉冰同綠茶乳酸冰。豬扒包：輕烘過的麵包搽左牛油，夾左炒香洋蔥，豬扒有肉汁調味好，整體係正！豬扒飯：豬扒同豬扒嘅一樣，加了甜豉油同搭左幾塊菜，唔錯！咖喱牛筋腩飯：牛筋腩係炆好再加咖哩汁，正常味道！奶茶涼粉冰：好香茶味同涼粉好夾味，唔太甜，推介！綠茶乳酸冰：友人叫的，飲左啖係益力多味，偏甜。店主仲養左隻象龜，好活躍架！仲可以攞d大紅花葉餵龜。