影片
更多
2009-09-08
43 瀏覽
難得星期六可以有假期,就相約幾個朋友到長洲享受.朋友們都同我一樣鍾意飲飲食食,試新嘢.但次次去長洲來來去去都係食嗰啲.好似有啲悶咁.所以我地決定周圍搵新嘢.行到東灣路(即係喺百佳直行去海灘嗰條路).通常我都會同朋友行埋入去食下大魚蛋同埋啲糕點.見到有啲人眾集左,都好好奇咁去睇下.見到新開左啲小食,有泰式嘢飲,仲有泰式雪條.幾得意.之後我地就坐低左.店員俾左個餐牌我地睇.嘩!好多嘢食選擇,除左有泰式嘢飲之外,仲有好多小食,好似薯條同三文治咁!我地點左"巴辣雞翼+薯條"同埋"牛油果雞肉煙肉三文治"(太好味喇唔記得影相),仲有杯"椰汁涼粉小黑子".因為我本人其實都鍾意食泰國菜,但呢杯嘢我喺泰國餐館都唔見有,所以好奇地想試下.發覺好唔錯,幾好飲.而且啲涼粉變左一條條,好得意.唔係以前啲一粒粒嫁.幾好味.而個巴辣雞翼都好好味,又夠辣.又新鮮.食完之後我地就試埋佢地啲雪條,有五種味,但我都係選左芒果味.8蚊一支.幾好味.食落唔似冰棒.而且好香滑.朋友見我試完又買.佢就試左芋頭味,同芝麻味.芋頭真係好少有機會食到.芝麻味雪條有好多打碎左嘅芝麻,味道好突出呀! 朋友都話好味.我地試完之後,都決定下次入
朋友們都同我一樣鍾意飲飲食食,試新嘢.但次次去長洲來來去去都係食嗰啲.好似有啲悶咁.
所以我地決定周圍搵新嘢.行到東灣路(即係喺百佳直行去海灘嗰條路).通常我都會同朋友行埋入去食下大魚蛋同埋啲糕點.
見到有啲人眾集左,都好好奇咁去睇下.見到新開左啲小食,有泰式嘢飲,仲有泰式雪條.幾得意.
之後我地就坐低左.店員俾左個餐牌我地睇.嘩!好多嘢食選擇,除左有泰式嘢飲之外,仲有好多小食,好似薯條同三文治咁!
我地點左"巴辣雞翼+薯條"同埋"牛油果雞肉煙肉三文治"(太好味喇唔記得影相),仲有杯"椰汁涼粉小黑子".因為我本人其實都鍾意食泰國菜,但呢杯嘢我喺泰國餐館都唔見有,所以好奇地想試下.發覺好唔錯,幾好飲.而且啲涼粉變左一條條,好得意.唔係以前啲一粒粒嫁.幾好味.
而個巴辣雞翼都好好味,又夠辣.又新鮮.
食完之後我地就試埋佢地啲雪條,有五種味,但我都係選左芒果味.8蚊一支.幾好味.食落唔似冰棒.而且好香滑.朋友見我試完又買.佢就試左芋頭味,同芝麻味.芋頭真係好少有機會食到.芝麻味雪條有好多打碎左嘅芝麻,味道好突出呀! 朋友都話好味.
我地試完之後,都決定下次入長洲再嚟呢度食過!
張貼
