影片
更多
2020-06-08
661 瀏覽
難得放假就發掘一下黃竹坑的餐廳美食😊之前經過One Island South見到哩邊有好多靚靚cafe同餐廳，今日就趁住平日放假黎哩邊睇下，食個靚早餐😋😋兜左一個圈之後最後都係揀左哩間餐廳，裝修靚靚又坐得幾舒服，價錢又唔太貴，見到都有幾台客，應該都唔錯就入左去喇～餐牌好多野都好吸引，有all day breakfast類嘅西式早餐之外，仲有啲茶記類嘅常餐類/日式烏冬嘅早餐，如果響度舒舒服服食個麵食其實都幾正😝我揀左好耐，最後揀左個餐牌有圖嘅牛油果三文魚三文治，早餐可以跟普通咖啡/奶茶☕️首先黎杯提神咖啡，孤寒嘅我冇加錢叫cappuccino果啲，就咁叫杯普通咖啡加奶，又比我想像嘅好飲喎～雖然淡淡地，但係加左奶之後我仍然可以飲到淡淡嘅咖啡果香味，唔會比啲奶味蓋過原本咖啡的香味，而且一啲都唔苦，完全唔使落糖，啱曬我哩啲唔鍾意飲齋啡嘅人☺️到我個早餐喇～其實哩類食品都冇咩也可以出錯。沙律菜幾新鮮，同埋我好鍾意個沙律汁，清清地又甜甜地😋😋牛油果’醬‘好滑，不過冇咩味；塊麵包有啲乾，雖然有烘過，但係冇咩香味；煙三文魚係冇咩特別，中規中矩正正常常咁啦望落去好似唔係好多野咁，食完之後發現原來都幾飽肚，好
之前經過One Island South見到哩邊有好多靚靚cafe同餐廳，今日就趁住平日放假黎哩邊睇下，食個靚早餐😋😋
兜左一個圈之後最後都係揀左哩間餐廳，裝修靚靚又坐得幾舒服，價錢又唔太貴，見到都有幾台客，應該都唔錯就入左去喇～
餐牌好多野都好吸引，有all day breakfast類嘅西式早餐之外，仲有啲茶記類嘅常餐類/日式烏冬嘅早餐，如果響度舒舒服服食個麵食其實都幾正😝
我揀左好耐，最後揀左個餐牌有圖嘅牛油果三文魚三文治，早餐可以跟普通咖啡/奶茶☕️
跟餐咖啡
30 瀏覽
0 讚好
0 留言
首先黎杯提神咖啡，孤寒嘅我冇加錢叫cappuccino果啲，就咁叫杯普通咖啡加奶，又比我想像嘅好飲喎～
雖然淡淡地，但係加左奶之後我仍然可以飲到淡淡嘅咖啡果香味，唔會比啲奶味蓋過原本咖啡的香味，而且一啲都唔苦，完全唔使落糖，啱曬我哩啲唔鍾意飲齋啡嘅人☺️
牛油果三文魚三文治
34 瀏覽
0 讚好
0 留言
到我個早餐喇～其實哩類食品都冇咩也可以出錯。
沙律菜幾新鮮，同埋我好鍾意個沙律汁，清清地又甜甜地😋😋牛油果’醬‘好滑，不過冇咩味；塊麵包有啲乾，雖然有烘過，但係冇咩香味；煙三文魚係冇咩特別，中規中矩正正常常咁啦
望落去好似唔係好多野咁，食完之後發現原來都幾飽肚，好滿足☺️☺️
整體黎講食嘅飲嘅都係相對清淡嘅口味，一大清早食清啲，食番食物嘅原味道其實都幾好，係飽左少少😅😅 我應該叫啲輕食少少嘅早餐😆
真係要再三提下，哩度環境好舒服，隔離檯好似有個早餐會，幾個人食住早餐，輕輕鬆鬆傾野都幾唔錯～
張貼
