Spade by Lassana (已結業)

食好西 去到油塘 真心覺得遠 所以趁週末去完將軍澳拜祭後 與家人去大本型搵食。在openrice搜尋 見到呢間食評咁正 就試下有幾好食。。餐廳位於商場一角 位置開揚 座位多 但擺設有點混亂 好不容易坐低 馬上睇睇餐牌 原來餐廳有雪糕窩夫 可自選配料 另有午餐 龍蝦仔牛角包 薯條 都好吸引。由於家人祇想吃些少 飲杯咖啡 於是點了英式下午茶 $ 148 飲品轉咖啡 需加 $8食物份量為二人份 底層有兩款包點及鬆餅 碎蛋牛角包 及龍蝦仔包都滿材料 鬆餅較硬及碎。中層呍呢拿雪糕有驚喜 我將雪糕放入咖啡裡 來個混搭 不錯說朱古力慕絲及士多啤梨慕絲 ~ 口感幼滑 個人不喜好朱古力 覺得過甜 反而士多啤梨酸酸地 中間薄薄一層熱情果蓉 估佢唔到咁好食喎。如果平日$99 覺得物有所值 但週末日假期$148 ~ 可以一試無防 但下次會試其他食物。