90s Lazy (先施大廈) (已結業)

上網見到有人介紹呢間Cafe係一個旺角嘅世外桃源打卡嘅好地方，叫做90s lazy.佢係位於先施大廈嘅樓上Cafe嚟嘅用咗隻貓貓來做logo好可愛一入到去環境非常之清幽，以木製嘅傢俬來做主題，白色嘅裝修俾人感覺非常之舒服由於我係下午茶嘅時間的唔算好肚餓所以呢我就叫咗一個輕食佢個名非常之特別，叫左 我唔餓其實佢係一個鮮奶乾果燕麥片配上炒蛋多士同埋沙律非常之豐富燕麥片配上熱騰騰嘅牛奶甜甜地，好好入口，令我會有不停想食嘅衝動。炒蛋亦都非常之嫩滑，配上新鮮嘅沙律菜成餐都覺得好清新而我亦都另外加配左一個羅漢果杞子菊花茶。羅漢果味非常之香配上菊花茶咁落去真係有種清熱嘅感覺。而且又唔會好甜，係呢個咁濕熱嘅天氣下飲番一杯好舒服。不得不讚餐廳嘅店員服務態度非常之好會不停主動幫客人倒水呢一樣野值得加分而且佢哋都充滿着笑容非常之有禮貌。另外餐廳嘅食物選擇都好多所以有機會嘅下次會再嚟幫襯試吓其他嘅嘢食。