有囍 (已結業)

情人節，就算無情人都一樣過得開心。所以約埋三個單身貴族一齊開開心心食返餐。因為做緊優惠，所以點咗個二人餐再加幾款小菜慢慢傾，慢慢食。太極醬蒸元朗烏頭。太極醬係混會咗腌咸檸檬及豆豉嘅秘製腌料，食嘅時候一定要好好撈勻先可以食真佢甘香鮮咸嘅味道。烏頭本身油脂豐富蒸完肉質都變老，又有本身獨有嘅陳皮香味，配上豉汁一齊食真係變肥仔都唔停得口。呢碟蒸魚起碼餸咗三碗白飯。火焰菠蘿生炒骨。呢個真係有視覺同味覺嘅享受，上枱會淋上白酒再點火。既可增添香氣味道，又可吸引食慾。生炒骨酸酸甜甜好惹味，入口仲有濃濃酒香。一定要食。古法黑草羊腩煲。做得好入味除咗有南乳嘅咸香，又有甘蔗同馬蒂嘅清甜。每件羊肉都又腍又入味。一定唔可以放放鍋底嘅枝竹，因為吸收晒汁嘅味道，十分好食。雖然話係二人餐但分量多到四個分黎食都有剩，食完暖身又飽肚真係超值。蒜茸開邊蒸海蝦。因為夠新鮮蝦肉結實爽甜，加上用咗大量蒜茸熟油，食落零舍香口惹味。生炒糯米飯。唔知係咪太耐無食臘味嘅製品，覺得真係好香口又唔會覺得好咸。雖然糯米食落軟爛咗啲但綜合黎講都係唔錯嘅。籠仔臘腸北菇蒸滑雞。雞肉好滑身，吸晒臘腸同冬菇嘅味道。食落唔油膩，餸飯一流。清炒油麥菜。食咗