意粉屋 (已結業)

情人節個個都去好多西餐食，但我地就選擇去意粉屋食一餐簡簡單單既。點了一份拼盤。拼盤最大特式就係樣樣都有少少，而份量又唔會好多。都幾岩樣樣都想食，但又唔想食太多既人。拼盤有雞翼、洋蔥圈、煙三文魚、薯條，每樣都係兩人份量既，意粉屋既食物其實都幾有保證，先說雞翼非常鮮嫩多汁，唔會乾柴咁；而洋蔥圈係新鮮炸既，洋蔥圈炸得非常脆，而洋蔥都非常新鮮。另外，點了一份Pizza。煙火腿芝士薄批，首先芝士係一片片既，非常香口。如果中意芝士既朋友，一定會愛上的。而薄批都焗得脆既，但係就略嫌有少少over-cooked, 因為個邊位就有少少硬。