Bistro East

營業中

休息中

情人節前三個星期已經book咗，擔心去到嗰日冇位。到左情人節當日，餐廳入座率都幾Full，平均都有九成滿。餐廳大約有25張枱，枱與枱空間都算闊落。當然，情人節去食情人節晚餐對食物都唔好抱太大期望，餐廳統一 menu，套餐兩位承惠$838加一。套餐包括：有紅酒或白酒兩杯選擇，頭盤有羅宋湯加蒜蓉包，仲有四隻法國生蠔，之後有墨西哥蟹肉卷兩件，主菜有肉眼扒配魚柳， 最後甜品有士多啤梨Tiramisu。評價：食物質素整體一般，不過情人節呢啲時間大家都明，唔會要求太高。我哋選擇咗白酒， 味道都過得去。而羅宋湯冇乜特別，但認為比較單調，完全冇餡。生蠔方面唔太新鮮， 有進步空間。不過值得一讚係佢個墨西哥蟹肉捲，入邊配咗各種唔同嘅餡，仲加左一小片橙肉，食落感覺好清新好開胃。主菜方面 牛扒比較韌，但味道搭救，整體尚可，魚柳燒得幾香，魚肉都唔會梅，唔差。最後上甜品都有小小驚喜，份量比想像中大，味道都幾好。