好包 (已結業)

話説最近唔知點解男友個肚好似食極都唔飽 唔知佢個肚有蟲還是冬天要食多啲野暖啲 所以有一日我地係元朗食完午餐就去左依間小食鋪頭到再食多少少野 依間鋪仔要係千色店行過少少 個到冇咩人 跟住google map 行到個到覺得依間鋪頭都幾"骨子" 裝修得幾靚 雖然個到冇得堂食 但我見好多情侶都坐係佢門前個花槽邊到食 環境都唔錯我地今次叫左一個蜂蜜無骨雞翼包兩份食 再加一杯洛神花蜜梳打 因為我地係加錢加飲品 個職員話因爲唔係單買所以係樽裝喎 佢個包裝其實幾好 而佢收銀個到都有圖示教你點樣食個包啲汁唔會灟哂出黎 我覺得幾細心 我鐘意佢個包夠多蜂蜜 令到個包唔會太乾 佢個包係脆嘅 而且有三隻去骨雞翼熱辣辣係裹面 啖啖肉 真係唔錯 至於個洛神花蜜我好鐘意 不過我覺得佢唔似梳打 似花茶加花蜜多啲.