影片
更多
2016-05-15
1470 瀏覽
其實原本想去同大廈另一間美式餐廳,不過o個邊晚市冇得訂位,轉場黎左一直想試嘅gastrobox我地早收工,18:30上到黎,包場咁3條女就唔好講咩情調,但呢個環境都真係幾值得推介俾有另一半o既朋友叫左二人餐再加d散件侍應姐姐推介cocktail買一送一,留意返必須係同一款飲品兩位同事一人一杯,我係咁意試左啖,唔重酒味,但橙汁都唔覺,只可以話完全攞到平衡點,兩頭唔到岸我就負責餐飲部分,兩杯都要左檸茶,半包糖剛剛好,茶味夠又有檸味先黎沙律,以前菜黎計份量都算多,用料新鮮,無奈食到最底醋味太勁之後散叫o既fish & chips; 炸魚真係冇得彈,炸粉都算薄,加上熱辣辣咁食,正薯條就因為疊埋一齊放o既關係導致底層幾條變得冧左,但整體都係好食o既侍應姐姐好細心咁預備多一隻碗等我地share蘑菇湯好濃郁好多菇,加左pepper更加香唔sure係咪以人頭計,總之我地一人一塊多士七成熟八扒,有厚度,好易就切得開,咬落亦唔靭伴碟薯蓉少少地,都有粒粒薯仔o係裡面其實我唔明點解食西餐硬係要用咁大隻碟,雖然擺盤係好靚...除左有隻開邊龍蝦企o係度之外,意粉入面亦都有唔少龍蝦肉,絕對唔會偷工減料不過我地都覺得
我地早收工,18:30上到黎,包場咁
3條女就唔好講咩情調,但呢個環境都真係幾值得推介俾有另一半o既朋友
叫左二人餐再加d散件
侍應姐姐推介cocktail買一送一,留意返必須係同一款飲品
兩位同事一人一杯,我係咁意試左啖,唔重酒味,但橙汁都唔覺,只可以話完全攞到平衡點,兩頭唔到岸
我就負責餐飲部分,兩杯都要左檸茶,半包糖剛剛好,茶味夠又有檸味
先黎沙律,以前菜黎計份量都算多,用料新鮮,無奈食到最底醋味太勁
之後散叫o既fish & chips; 炸魚真係冇得彈,炸粉都算薄,加上熱辣辣咁食,正薯條就因為疊埋一齊放o既關係導致底層幾條變得冧左,但整體都係好食o既
侍應姐姐好細心咁預備多一隻碗等我地share蘑菇湯好濃郁好多菇,加左pepper更加香
唔sure係咪以人頭計,總之我地一人一塊多士
七成熟八扒,有厚度,好易就切得開,咬落亦唔靭伴碟薯蓉少少地,都有粒粒薯仔o係裡面
其實我唔明點解食西餐硬係要用咁大隻碟,雖然擺盤係好靚...除左有隻開邊龍蝦企o係度之外,意粉入面亦都有唔少龍蝦肉,絕對唔會偷工減料
不過我地都覺得成個意粉甜得滯,食左一半就覺得好膩
散叫o既卡邦尼,可能因為之前又扒又薯條,我地都已經ok飽到呢個意粉上黎就更加飽,加上忌廉汁,真係投降
食到呢度唔係好識分好食定唔好食
最後係甜品,我地都係要返daily special如果要轉其他menu上o既甜品要加$35,都幾唔抵
雖然話係芝士蛋糕,又出奇地唔係好重芝士,反而有d mousse感
擺盤裝飾有加分,唔係勁甜o既蛋糕
要讚下長髮侍應姐姐,我地未開口就已經準備定我地要share用o既餐具
而且好有禮貌好有笑容,態度良好好難遇到咁好o既service
題外話/補充資料：
用table map訂枱八折! 地下大堂傳單有free wine coupon,不過就要正價先用得~
(以上食評乃用戶個人意見 , 並不代表OpenRice之觀點。)
張貼
