桃園制作粥麵餐廳 (啟田商場) (已結業)

「宅女」的下午茶，近近地去了附近商場的桃園制作，因為位置多，唔洗搭枱～下午茶時段有我最愛的炸雞腿～ 我對炸雞比是情有獨鍾的，啖啖肉，好味道。炸雞腿配碗仔翅 $27 唔係講笑，我食炸雞比既資歷無十年都有八年，呢度既炸雞比無炸粉之餘仲做到皮脆肉嫩，正！而碗仔翅十分足料，好多雞絲，而且濃度適中唔會太過「杰」身。性價比十分高，連埋飲品先$27，抵過大家樂丫。