得利尚點

營業中

休息中

荃灣多嘢食就係人都知，行行吓突然肚餓，路過荃薈，一間大快活，一間點心茶餐廳，就揀咗點心茶餐廳。入到去下午茶選擇好多，但都係鍾情點心，我就點左個點心下午茶。一籠五件任揀，仲要包野飲，都係29大元。最後我揀咗蝦餃一粒，燒賣一粒，叉燒包一個，牛肉一粒，腐皮卷一條。杯熱檸水。蝦餃-皮薄料靚，肉質彈牙，好過好多連鎖茶樓！燒賣-出奇好味，再唔係去茶樓食開嘅單一種味道叉燒包-軟綿，味道適中。牛肉-香軟Q彈腐皮卷-雖然係油炸，但係一滴油都冇，鬆香脆，口感一流食物嘅味道唔係我哋一般係茶樓嘅模板，唔似係大lot買返嚟自己煮嗰啲，跟住問吓樓面個女人（我估嗰個係老闆娘），佢好溫柔咁答我：「姐姐仔你真係識食，我哋啲嘢全部香港製造，唔係大陸買返嚟。」老實講一籠裏邊有蒸又炸，人工錢都係返到。仲要送野飲，個人認為非常抵食同好食。