張公子

營業中

休息中

以前喺外國成日同朋友吹噓香港嘅中餐好食幾多幾多，結果佢今日一落機就挑機，聽朋友介紹嚟咗公司附近嘅張公子食。一食，連自己都surprise埋。好 好 食。 ✦ 秋霧鹵醉蝦好靚嘅菜式，出上枱嘅時候輕煙縷縷，夢幻感十足。味道又係估佢唔到，醉得嚟帶小麻辣，好惹味。而且仲有好多蝦膏，啱晒我。 ✦ 張公子叉燒 厚切叉燒，份量多、件件厚，外層燒得又脆又甜，內層依然嫩滑。食咗兩舊已經好飽。 ✦ 張公子牛肋排呢碟賣相雖然冇咁靚，但份量真係嚇一跳，味道再嚇多跳。燜得好冧，入口有散開嘅感覺，同時鎖實晒啲肉汁，加埋醬汁亦非常香，充斥味蕾。 ✦ 勁量重手芝士大蝦伊麵 真係好重手，好啱朋友呢啲cheese addict。伊麵依然有彈性，大蝦爽滑。好大盤，超飽肚。 唯一要挑剔係真係要叫多幾個人嚟食，每道菜份量都好足，兩個人嗌唔到太多。值得一讚係茶有一路熱住，食飽，消吓濟。