KT’s Factory (已結業)

我個人好喜愛食麻糬，一見到就會買嚟試。呢間店我經過中環街市見到，咁啱有人攞散水餅(我估，因為攞咗都幾多件餅！) 所以就埋去排隊買。第一次試咗朱古力粒粒麻糬，中規中矩，主要想講係，之後第二次經過想買其他味道試，平日下午兩三點，竟然冇開。然後再過一星期再次響平日兩點去到，見到有開，行到埋收銀度，姐姐講緊電話，講咗幾分鐘之後，佢見到我仲等緊，就一邊講電話，一邊收檔！ 我即刻話我係買麻糬，佢竟然揮晒手話：賣晒！我問佢凍櫃𥚃面d蛋糕同麻糬唔係賣㗎？佢答我：我依家要走啦！我再話已經等咗你咁耐，我買2件咋喎！對方先至接我order。成件事我真心呆咗，我行到埋嚟都等咗你一陣，見你講電話我都冇騷擾你，你明明見到我等你，都可以話收工就收工，咁樣做生意點會有客人返轉頭幫襯?! 仲有平日lunch time都唔開檔，係中環最旺嘅時候，要人行幾次先至買到，真係幾好食都假，何況味道只係中規中矩，冇必要專登去買囉！總括而言，味道不過不失，但服務質素認真麻麻！