荃灣豐盛酒家 (已結業)

我以前曾在這間酒樓(前新光) 飲早茶有幾年時間, 後因受不了個別侍應惡劣玩態度, 一氣之下不再留戀, 過檔別家酒樓光顧. 梗係啦, 新光年代可以老細錢玩; 到豐盛年代係伙計夾份錢出做就知死, 趕走客無興趣返食, 如果有一樣可取都話呀, 例如食物好味, 服務態度誠懇和善, 價錢較平等, 點知無一樣入圍. 生意越做越差, 卒之要重新裝修, 心想裝修後應該新人事新作風, 星期六晚前往吃晚飯, 點知換湯不換藥. 同以前一樣, 作風過時, 叫個樣無個樣; 員工之間無默契, 成晚見伙記走走去, 但唔明效率咁慢, 簡單食餐飯要成兩粒鐘, 第間酒樓個零鐘就食完餐飯. 叫了羅漢齋, 鹽焗雞(呢兩樣鹹到飛起), 魚滑菜薳米線(湯淡而無味, 魚滑腥悶), 食過呢餐無乜興趣再來