馬六

營業中

休息中

黎到北角搵食就同個舊朋友試下新野，餐廳位置近炮台山地鐵，大約行三分鐘就到，環境夠光猛同有空間，唔會話太逼狹，職員一入門口就幾好招呼同幫手帶位，我地無出聲佢都主動比兩杯水我地。我地每人叫左一個主菜同小食，檳城黑醬油叉燒拌麵幾好味，麵質有咬口同彈牙，醬汁份量足夠，叉燒有微烤過條邊脆，朋友揀馬六咖哩麵，大大碗，特別中意佢呢個咖哩椰香味重，唔會話好辣，配料包括魚條扎肉同雞肉絲，好多料，小食就有娘惹蘿蔔餅，炸得夠香口同脆，雞肉串個沙嗲汁都幾好味，食完超級飽！