廚十三老壇酸菜魚 (渣甸街) (已結業)

天氣變得好凍，堅想食d熱野暖下，而且口啖啖，突然有癮想食酸菜魚，所以簡左間近屋企附近既廚十三老壇酸菜魚外賣自取有88折，加上疫情關係，所以拎回家食。Menu上面選擇左份小份酸菜魚，for2-3位用，再加再 d配菜，都可以食到好豐富。拎到家後，酸菜魚and熱湯分裝！確保魚片唔會過熟，魚片用上爐魚片，肉質細緻嫩滑，份量都幾多！再放入熱湯內加熱，酸菜魚湯既味道夠哂香濃！花椒粒極具提升左味道層次，爐魚片吸左湯頭既味完全發揮出來，越食越想食，好惹味。之後另加既配料蓮藕片好清新爽脆，午餐肉亦都入哂味，再配襯白飯一齊食，非常暖胃。整體好食又惹味，外賣回家吃亦 keep到水準，讚！