大頭蝦南風海鮮酒家

營業中

休息中

去完東涌outlet shopping，想搵小炒又老字號又想支持小店，Openrice下搵到呢度，喺東涌屹立左10幾年嘅酒家，大排檔風味依家香港較罕有；地點又易去，東涌地鐵站A出口行10分鐘左右。職員服務好好介紹。望下餐牌，好多人都想食，主打燒味，炭燒乳豬，特色小食小菜，烤魚雞煲。叫咗燒味雙拼，白切鷄同燒鵝，燒鵝皮脆，燒鵝同雞都份量多，啖啖肉；白切雞阿仔最啱食；蛋花粟米魚肚湯，又係好大份，三個人兩大一細都飲咗好多碗，好足料同鮮甜，大人細路都啱飲；魚香茄子煲好惹味又夠鑊氣，真材實料，送飯一流；我至愛欖菜肉碎四季豆，又係好大碟，好香；成餐都好好味，連阿仔都好快就食晒d餸。