龍圖閣海鮮飯店

營業中

休息中

繼續報復性飯局，約左喺尖咀做嘅舊同事黎龍圖閣食飯，哩間中菜館雖然唔係連鎖，不過因為喺哩區都有一段歷史，所以喺附近返工嘅打工仔都知。中菜館店面其實唔細，不過就用屏風將空間隔開，所以私隱度都高。茗茶$14/位，晚市除左茶樓常見嘅海鮮同各式小菜，仲有多款川味小菜，好似辣子雞、水煮牛肉、麻辣雞煲......等等。懷舊手打蝦多士($38/件) - 蝦多士炸到好脆但唔會成口油，上面嘅蝦肉好彈牙又香蝦味，就算呂蘸另附嘅甜酸醬都好味。沙薑雞($188/半隻) - 半隻份量都幾多，雞肉唔會太鞋醃得入味，鹹鹹香香好惹味。鮮淮山百合炒勝瓜($108) - 哩度嘅蔬菜款式都算多，唔係淨得普通清炒或者上湯。哩個淮山百合炒勝瓜淮山唔會太熟仲好爽口，百合清甜唔會太粉，清清地都唔錯。雪耳糖水(免費) - 最後仲有糖水送，除左雪耳，仲有龍眼同杞子喺入面，唔會太甜幾潤喉。總結，野食唔錯，碟頭都大份，每枱唔會太近，座位闊落，用屏風相隔似包箱私隱度高，啱一大班朋友聚會。