Hungry Monkey (金朝陽中心二期 - Midtown)

營業中

休息中

Hungry Monkey係銅鑼灣一間新開嘅日式居酒屋，最大賣點係野食全部都好惹味，真係好啱餸酒，鍾意飲酒但又對食有啲要求嘅朋友就最啱。內面唔算大，一入門口係圍住廚房嘅Ｃ字型吧枱，再行入啲亦有幾枱梳化位。番茄蒜子沙律($28) - 哩個沙律每枱都會有，如果唔要記住一坐低就要同店員講。加左酸汁嘅番茄酸酸地都好開胃，味道都唔。梅酒($68/杯) - 黎居酒屋點都要飲返杯梅酒，哩度嘅梅酒比出面嘅居酒屋感覺大杯少少，梅味香甜易入口，女仔一定鍾意。磯煮鮑魚($98) - 店員介紹哩度嘅鮑魚係南非貨，特別矜貴。鮑魚唔會燒到過乾，仲能夠保持倒南非鮑魚特有嘅細膩口感，空口食帶少少鹹味，我自己就鍾意蘸旁邊嘅醬汁食， 甜甜地更加好食。鐵板大蝦($98) - 蝦肉結實爽彈，同樣唔會燒得太乾，師傅將蝦腳燒都脆卜卜，所以可以食埋唔洗浪費。芝士御好燒($78) - 御好燒上面吱滿蛋黃醬同堅魚碎，紫菜同子薑係另上，食客可以按個人喜好加喺御好燒上面。燒餅甜甜地唔會燒到太老太乾，切開有芝士拉絲，都幾好食。總結，食物做得出色，味道偏濃味，好啱餸酒飲，無論係咪酒鬼都值得一試。