川上龍 (已結業)

一直以黎，我都比較少食川菜，因為自己唔太食得辣，少少就OK既!呢日再同同事lunch 去左川上龍，今次想一齊試試挑戰少辣水煮魚。可能係少辣的關係，所以都總算挑戰成功，都可以食到魚片同芽菜等配菜，當然要食埋成碗菜飯先得啦! haha... 不過相信再辣D 去到中辣，我未必食到lu....涼冰冰的醉雞，充滿花雕酒的酒香，但食落無咩花雕酒的味道，幸好雞件算嫩滑，總算不過不失!醉雞配搭水煮魚, 一冰一熱，一甜一辣，good pick!值得一提，點lunch set，可以配上菜飯，而且川上龍提供生菜，感覺更加有營!另外，川上龍提供儲印花制度，每點午餐一份即獲印花1個，儲齊10個印花，送午餐一份。同事的儲印花卡已有8個印花，連埋今次2個，下次就有免費午餐一份喇!