樂天經典

營業中

休息中

🉐豐富兩人套餐🉐惹味星洲蟹二人套餐包括一款前菜、一款螃蟹、一款熱炒、一款粉麵飯，每人亦有一杯飲品同甜品，性價比超高！〈蒜香紅海頭〉🪸紅海頭即係海蜇頭，所以更加爽脆同有口感，醬汁少少辣同酸酸地，越食越開胃！〈星洲黑胡椒螃蟹〉🦀呢個醬汁超級惹味，黑椒味好濃，但唔會太嗆口，亦都唔會蓋過咗螃蟹嘅鮮味。螃蟹好大隻啖啖肉，而且啲鉗亦都已經剝碎咗，所以都容易食！〈古早魚香老鼠粉煲〉🍲老鼠粉質地夠滑夠濕潤，亦都有少少鹹魚肉碎令整體味道更加濃郁，材料有冬菇、肉碎、菜圃等等，整體份量夠多，食到停唔到口😆〈金銀蛋時蔬〉🥗菜湯底好鮮味，是日時蔬係菠菜，新鮮得黎份量一啲都唔吝嗇，肉碎、皮蛋同鹹蛋份量都唔少，食得好滿足！〈清心綠豆爽〉🍵清心丸好大粒，好煙靭口感特別，另外加咗少少馬蹄落去口感更加豐富，食完濃味菜式之後食埋呢個清爽甜品結尾啱啱好！