湘聚漁樂圈 (已結業)

平時很少食湘菜，感覺上D食物比較辣，今日和太太行完銅鑼灣崇光，行經京華廣場，抬頭望見"漁樂圈"嘅招牌，店舖名字幾得意，一於去光顧吓。點了幾款小炒，茄子豆角條裝切段，新鲜清甜，熱辣辣很有鑊氣。湘西外婆菜很有特色，之前睇電視節目而得知這是湖南人嘅家常菜，我唔食得太辣，所以點菜時點了小辣，红椒粒，碎肉粒，大頭菜粒，葱菜粒等炒得惹味香口，鹹度辣度適中，最啱送飯。卜豆角炒五花肉亦是湖南家常菜，炸得油香嘅薄片五花肉和卜豆角，大蒜和紅椒粒等炒得甘香味美，令人回味無窮。