霸嗎拉麵 (金巴利道) (裝修中)

繼續生日飯快閃Lunch， 去左尖沙咀金巴利道霸嗎拉麵食碗麵。 Lunch時間當然座無虛席啦。朋友點左辛辣灸燒豚肉咪玉拉麵， 湯底香濃辛辣， 喺呢個悶熱天氣食個辛辣味出身汗， 不亦樂乎。灸燒豚肉， 肥大肉厚， 豚肉肥瘦分明， 加上灸燒完， 更加香口。麵身較硬， 合我口味。雞义燒雞白湯辛辣麵 - 雞义燒口感鮮嫩軟滑， 有入口即化感覺。雞白湯香濃膠質。 食一啖就可以感受到濃郁的雞肉香氣, 接著是湯汁的鮮甜,最後是微辣醬汁的辛辣，十分開胃惹味。