川味港私房菜

營業中

休息中

好鍾意搵地方，試新餐廳，今次同朋友去觀塘川味私房菜，試吓川菜，雖然地方唔係好大，但勝在夠乾淨，最緊要食物都幾好食，有驚喜，小菜有辣有唔辣👍蜜餞金蠔好開心呀，平時新年最鍾意食呢個餸，好味又好意頭，見到呢度竟然有，一定要試吓！金蠔大大隻，好睇又好食。加埋蜜餞汁甜甜地又香口，大人細路都啱食。孜然燒羊扒孜然雞翼成日食，今次見到孜然燒羊扒，當然試吓，又有另一番味道，羊扒燒到剛剛好，夠鮮嫩，配搭孜然粉，更加惹味，平時唔太鍾意食羊的朋友，都話好味！酸菜魚食川菜，當然要食酸菜魚，酸酸辣辣，少少麻，惹味又開胃，湯好好飲，魚份量較多，最緊要冇魚腥味。