十二味 (荃灣千色匯I)

營業中

休息中

今日同朋友去咗12味食晏，環境不錯，座位闊落，清潔企理，好好彩去到嘅時候啱啱有位🤩。我哋點咗人見人愛酸菜魚🐟，中辣。一嚟到，size真係好驚人😮，好大盆！色香味俱全，未食都已經流晒口水🤤。食落多滋味，湯底味道濃郁，酸辣醒胃，酸菜份量多，真材實料，絕無欺場。魚片新鮮，嫩滑到無牙都食到，份量合理。薯粉煙靭彈牙，晶瑩剔透，如果份量可以多返少少🤏🏽就更好。中辣唔算好辣，下次會挑戰大辣🌶🌶🌶。