影片
更多
2017-06-16
2582 瀏覽
友人十分喜歡食雞煲，今日三人行去左新蒲崗上完堂就食埋飯，佢食過觀塘個間唔錯就帶我地試下新蒲崗呢間。平日去都好爆場，好多家庭黎聚餐，好彩早到仲有位。雞煲有招牌和花雕酒，兩種都好想試。小食好吸引，揀左兩個，其中一個陳醋野生雲耳($42)，雲耳香辣爽口，帶陳醋酸味，酸味好香，聞到唔係下價貨，酸酸辣辣很醒胃。另一個柚子蜜炸花枝丸($88)，彈牙的花枝丸好大粒，又香口，點柚子蜜食，十分滋味。醬汁配料很新鮮，基本上都可以唔加已經夠味。爺爺招牌雞煲(半份雞$158)，配料有干蔥頭好大個、厚切洋蔥、大粒蒜，bb辣，食得出係鮮雞，而且肥瘦適中，惹味非常。嗜雞煲友人都大讚好食。打邊爐要左碟手切牛頸脊細($138)，牛肉有嚼勁，厚切都咁嫩滑，甚有牛味。湯底夠晒味，不用點豉油。手打鮮蝦丸($78)，蝦丸Q彈，見到有蝦肉的碎絲，真材實料，自家制果然係唔同D。自家製響鈴($38)，響鈴唔油，脆鱷鱷，大推！魔芋絲($28)唐生菜($26)新鮮爽脆。最後的甜品係洋蔥，等到佢軟身，味道甜甜地，友人仲同我爭食。食完都唔口渴，就知無味精，加分。
平日去都好爆場，好多家庭黎聚餐，好彩早到仲有位。雞煲有招牌和花雕酒，兩種都好想試。
小食好吸引，揀左兩個，其中一個陳醋野生雲耳($42)，雲耳香辣爽口，帶陳醋酸味，酸味好香，聞到唔係下價貨，酸酸辣辣很醒胃。
另一個柚子蜜炸花枝丸($88)，彈牙的花枝丸好大粒，又香口，點柚子蜜食，十分滋味。
醬汁配料很新鮮，基本上都可以唔加已經夠味。
爺爺招牌雞煲(半份雞$158)，配料有干蔥頭好大個、厚切洋蔥、大粒蒜，bb辣，食得出係鮮雞，而且肥瘦適中，惹味非常。嗜雞煲友人都大讚好食。
打邊爐要左碟手切牛頸脊細($138)，牛肉有嚼勁，厚切都咁嫩滑，甚有牛味。湯底夠晒味，不用點豉油。
手打鮮蝦丸($78)，蝦丸Q彈，見到有蝦肉的碎絲，真材實料，自家制果然係唔同D。
自家製響鈴($38)，響鈴唔油，脆鱷鱷，大推！
魔芋絲($28)
唐生菜($26)新鮮爽脆。
最後的甜品係洋蔥，等到佢軟身，味道甜甜地，友人仲同我爭食。食完都唔口渴，就知無味精，加分。
張貼
