百川薈

營業中

休息中

今晚朋友約咗我去佐敦行街，他帶我去百川薈食飯，室內環境整潔乾淨，招牌菜有雞煲、烤魚、羊腩煲及其他打邊爐配料，鑊氣小炒、豬扒酸辣米線、煲仔飯…. 様様都想食。最後我哋揀咗食雞煲加安格斯肥牛打邊爐🍲。百川薈秘制雞㷛，材料有雞之外，用八角、豆蔻、洋蔥、芫荽及秘製醬汁煮，老闆提醒我這隻「蕙食貓」，雞未完全熟，唔好食住吖，雞在廚房煮到七八成熟，然後放入砂㷛再上枱，這樣會令到啲雞肉滑啲，唔會過熟令肉質變嚡，其間我同朋友繼續吹水，老闆(我估）仲主動過來幫我哋整，以免雞肉過熟或黐底，他真係非常細心🥰。果然d雞肉真係好滑又入味，食到最後一嚿雞肉都唔覺得嚡實實👍🏻，之後再放湯打邊爐，安格斯肥牛油脂分布均勻，好有牛肉味，同雞煲汁又幾夾喎，加埋一份生菜及淮山，真係好新鮮及好好既配搭!桂花圓肉菊花茶可以清熱又滋潤，好香又好飲。見到隔籬枱食煲仔飯及酸辣米線都好吸引，已經約定朋友下次再去百川薈食煲仔飯及酸辣米線😘