尋麻記

營業中

休息中

位於大埔寶鄉街既尋麻記，由一對夫婦主理，上次去既時候因為收工晚，好多人氣菜式已經賣光，今次特登早Ｄ黎，終於可以品嚐到佢地既招牌麻椒雞！幾忙都好，老闆依然堅持響客人面前手撕雞。睇著老闆熟練既手法，雞汁流淌而出，香氣四溢，望到已經想即刻試下。果然招牌麻椒雞雞肉鮮嫩多汁，麻味同辣味既平衡啱啱好，真係非常惹味！酸辣豬蹄經過慢燉後，肉質變得酥軟，咬落去感覺滿滿既骨膠原。搭配酸辣既醬汁，非常開胃。檸檬雞爪係其中１個必點菜式，經過醃製，檸檬既清新酸味，令雞爪變得更加爽口，酸中帶點辣，口味非常好，搭配啤酒更是絕配！