丼瀛 (已搬遷) 新店位置

6月30日，係好失望好灰嘅一日，估唔到黎到呢間店讓已經好失望好灰嘅我哋更失望更灰。坐低發現張枱未抹乾淨仲有食飯殘渣，生意咁好都體諒佢哋忙，算啦。晚餐點左好幾個小食配昆布鰹魚清湯雞扒烏冬，魚生正常，小食唔係好味但都算中規中矩，最後上菜嘅昆布鰹魚清湯雞扒烏冬真係令我哋非常難忘。昆布鰹魚清湯雞扒烏冬上菜時倒瀉左少少湯喺枱，又體諒一下待應，算啦。但烏冬如其名，係清湯但搵唔到昆布同鰹魚嘅縱影，雞扒係圾，係無味嘅圾雞肉，烏冬非常軟身冇口感。呢道菜清淡無味，好適合減肥人士。用餐時間唔長，但愈上菜就愈失望，冇下次。